Yekaterinburqun Verx-İsetski Rayon Məhkəməsi müstəntiqin Uraldakı Azərbaycan diasporunun rəhbəri Şahin Şıxlinskinin həbs müddətinin uzadılması barədə vəsatətini təmin edib.
Profilaktik tədbirin müddəti 30 dekabr 2025-ci il tarixinədək uzadılıb.
Qeyd edək ki, Şahin Şıxlinski avqustun əvvəlində Moskvada saxlanılıb. Qeyri-rəsmi məlumata görə, o, guya Azərbaycan səfirliyində gizlənirmiş. İlkin məlumata əsasən, ona qəsdən adam öldürməyə cəhd ittihamı irəli sürülüb. Şıxlinski isə özünü təqsirli saymadığını bildirir.
