1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Müntəzəm olaraq çox az maye içmək bədənin stresə hormonal reaksiyasını gücləndirə bilər.
Oxu.Az xəbər verir ki, "American Journal of Physiology-Endocrinology and Metabolism" jurnalında araşdırma dərc edən tədqiqatçılar belə bir nəticəyə gəliblər.
Təcrübədə 32 könüllü iştirak edib: onların bir hissəsi üçün adi su istehlakı gündə təxminən 1.3 litr təşkil edib, digərləri isə gündə 4 litrdən çox su içiblər. Standart stres testindən sonra, daha az maye qəbul etmiş iştirakçılarda stres hormonu olan kortizolun səviyyəsi əhəmiyyətli dərəcədə yüksəlib, daha çox maye qəbul etmiş iştirakçılarda isə daha az artım müşahidə olunub.
Alimlər bunu orqanizmin suboptimal nəmlənməsinin (məsələn, sidiyin rənginin tünd olması) endokrin sistemin reaksiyasına birbaşa təsir etməsi ilə əlaqələndirirlər. Onlar hesab edirlər ki, susuzlaşma sağlamlıq üçün uzunmüddətli riski artıran bir amil ola bilər.
Müəlliflər qeyd ediblər ki, adekvat maye qəbulu rejimi stres reaksiyasını azalda bilər və bu psixofiziologiya ilə bağlı tədqiqatlarda nəzərə alınmalıdır.
