Avropa Yenidənqurma və İnkişaf Bankı (AYİB-EBRD) ABŞ tariflərinin ən çox təsir etdiyi region ölkələrini açıqlayıb.
EBRD-nin yaydığı məlumata görə, ABŞ-ın tətbiq etdiyi tariflər nəticəsində Azərbaycan regionda ixracına görə ən yüksək tarif yükü ilə üzləşən ölkələrdən biri kimi qeyd olunub.
Qeyd edilib ki, Azərbaycana tətbiq edilən yüksək tarif əsasən ölkənin ABŞ-a alüminium ixracı ilə bağlıdır.
Hesabata əsasən, 2024-cü ilin ilk yarısında Azərbaycana tətbiq edilən tarif 5%, bu ilin ilk yarısında isə 16-17% təşkil edib.
Ümumilikdə, EBRD regionlarından ABŞ-a ixrac olunan məhsullara tətbiq edilən orta effektiv tarif dərəcəsi 2025-ci ilin ilk yarısında 2,7 faiz bəndi artıb.
© APA
