Bakı Metropolitenində böyük genişlənmə: 9 yeni stansiyanın tikintisinə başlanacaq

2026-cı ildən etibarən Bakı metrosunun inkişafı ilə bağlı genişmiqyaslı tikinti işlərinə start veriləcək.

Milli.Az xəbər verir ki, bu barədə "Bakı Metropoliteni" QSC-nin Tikinti Layihələrinin İdarəolunması Departamentinin rəis müavini Məmməd Rzayev məlumat verib.

Onun sözlərinə görə, hazırda sözügedən 9 yeni metro stansiyasının layihələndirilməsi prosesi davam edir:

"Bu ilin sonuna qədər layihələndirmə işləri tamamlanacaq. Gələn ildən isə - 2026-cı ildən etibarən - həmin stansiyaların tikintisinə başlanılacaq", - deyə Məmməd Rzayev qeyd edib.

Planlaşdırmaya əsasən, tikinti işləri 2030-cu ilədək başa çatdırılacaq və yeni stansiyalar mərhələli şəkildə istismara veriləcək.

Milli.Az

• Inkişaf
• Maliyyə
• Metro
• Tikinti
• Bakı Metropoliteni
• Stansiyalar
• Layihələndirmə
• Metro Stansiyaları
• Yeni Stansiyalar