Şimali Koreya ticarət gəmisi Seulun faktiki dəniz sərhədi hesab etdiyi Sarı dənizdə Şimal Limit Xəttini pozduqdan sonra Koreya Respublikasının hərbçiləri xəbərdarlıq atəşi açıb.
Vətəninfo.az xəbər verir ki, bu barədə Yonhap xəbər agentliyi məlumat yayıb.
Hadisə yerli vaxtla səhər saat 5:00 radələrində Banqnyonq adası yaxınlığında baş verib. Cənubi Koreya əvvəlcə xəbərdarlıq edib. Koreya Respublikası Silahlı Qüvvələrinin Birləşmiş Qərargah Rəisləri Komitəsinin məlumatına görə, xəbərdarlıq atəşi açıldıqdan sonra Şimali Koreya ticarət gəmisi Cənubi Koreya sularını tərk edib.
“Hərbçilərimiz Şimali Koreyanın hərəkətlərini diqqətlə izləyib və əməliyyat direktivlərinə uyğun olaraq cavab verib. Biz döyüş hazırlığını qoruyaraq dəniz sərhədimizi qoruyacağıq”, – qərargah rəisləri əlavə edib.
