Rusiya xarici işlər naziri Sergey Lavrov çıxışında NATO-nun fəaliyyətini kəskin tənqid edib.
KONKRET.az xəbər verir ki, onun sözlərinə görə, alyansın genişlənməsi yalnız Rusiya və Çini hədəf almır, ümumilikdə Avrasiyanı hərbi mühasirəyə salmaq məqsədi güdür.
Lavrov bildirib ki, NATO artıq Avropada “sıxışıb qalıb” və indi diqqətini Asiya-Sakit okean regionuna – Sakit okeana, Cənubi Çin dənizinə və Tayvan boğazına yönəldib. Nazir vurğulayıb ki, alyans ASEAN çərçivəsində mövcud olan beynəlxalq mexanizmləri zəiflətməyə çalışır və bu, yalnız Rusiya və Çinə deyil, bölgədəki digər dövlətlərə də təhlükə yaradır.
Diplomat əlavə edib ki, NATO rəhbərliyi bu genişlənmə mərhələsini “Avro-Atlantik və Hind-Sakit okean regionunda təhlükəsizliyin bölünməzliyi” şüarı altında legitimləşdirməyə çalışır:
“Məhz bu şüar altında ittifaq bütün Avrasiyanı hərbi mühasirəyə almağa cəhd göstərir”.
