.png)
Yuxu Keyfiyyətinə Zərər Vurur
Bir çox insan telefonunu yastığın altında, yataqda və ya baş ucunda saxlayır. Bu hal həm yuxu rejimini, həm də orqanizmin təbii ritmini pozur.
Bildirişlər və titrəyişlər beyni xəbərsiz şəkildə aktivləşdirir, bu isə dərin və REM yuxusuna keçidi çətinləşdirir.
Telefon ekranının yaydığı mavi işıq melatonin hormonunun ifrazını azaldır və yuxuya getməyi gecikdirir.
Nəticədə səhərlər yorğun oyanmaq, gün ərzində diqqətin yayınması və uzunmüddətli perspektivdə anksiyete və depressiya riski arta bilər.
Yanğın və Elektrik Təhlükəsi
Telefonu yastıq altında şarj etmək təhlükəlidir. Cihazın həddindən artıq isinməsi yanğın təhlükəsi yarada bilər.
İnsanların 74%-i telefonlarını gecə boyunca yataq otağında şarj edir.
11%-i isə telefonlarını birbaşa yastığın altında qoyur.
Mütəxəssislər xəbərdarlıq edir ki, keyfiyyətsiz şarj cihazlarından istifadə həm yanğın, həm də elektrik cərəyanı vurması riskini artırır.
Telefonlar Tualet Qapağından Daha Kirlidir
Araşdırmalara görə, bir smartfon tualet oturacağından 10 dəfə çox mikrob daşıya bilər. Onların arasında E.coli, Salmonella və norovirus kimi bakteriyalar da olur. Bu mikroblar yatağa keçərək müxtəlif sağlamlıq problemlərinə səbəb ola bilər.
Yuxu mütəxəssisi Martin Seeley telefonla yatmağın risklərini azaltmaq üçün bu addımları məsləhət görür:
Telefonu yataq otağından kənarda və ya ən azı bir neçə addım uzaqda saxlayın.
Telefonu gecə şarj etməyin və sertifikatsız şarj cihazlarından istifadə etməyin.
Bildirişləri söndürün və "Gece Rejimi / Narahat Etməyin" funksiyasını aktivləşdirin.
Yatmazdan 30-60 dəqiqə əvvəl telefon istifadəsini dayandırın.
Səhər oyanmaq üçün telefondan yox, klassik zəngli saatdan istifadə edin.
