Türkiyənin Kütahya vilayətinin Simav rayonunda 5,4 bal gücündə zəlzələ qeydə alınıb.
Reyting.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Yerli vaxtla saat 12:59-da qeydə alınan yeraltı təkanın ocağı 8,46 kilometr dərinlikdə yerləşib.
Zəlzələ İstanbul və İzmirdə hiss edilib.
Türkiyənin daxili işlər naziri Ali Yerlikaya sosial şəbəkədə bildirib ki, ətraf vilayətlərdə də hiss edilən təkanlarla bağlı AFAD və əlaqədar qurumların bütün komandaları yoxlamalara başlayıblar.
