Voleybol üzrə dünya çempionu bəlli oldu

İtaliyanın kişilərdən ibarət milli voleybol komandası Bolqarıstan seçməsini məğlub edərək ardıcıl ikinci dəfə dünya çempionu olub.

Bizim.Media xəbər verir ki, turnir Filippində keçirilib.

Final qarşılaşması 3:1 (25:21, 25:17, 17:25, 25:10) hesabı ilə italyanların xeyrinə başa çatıb. Üçüncü yer uğrunda görüşdə Polşa Çexiyaya qalib gəlib (3:1).

Qeyd edək ki, İtaliya millisi öz tarixi ərzində beş dəfə dünya çempionu olub.

Bizim.Media