Rusiyanın zərbəsi nəticəsində Ukraynada bir ailə həlak olub
Ajans.az xəbər verir ki,vilayət rəhbəri Oleh Hryhorov bildirib ki, Çerneççina kəndində yaşayış binasına pilotsuz təyyarə zərbəsi endirilib. Dörd və altı yaşlı uşaqlar və onların valideynlərinin cəsədləri sonradan dağıntılar altından çıxarılıb. O, bu faciəni "heç vaxt unutmayacağımız və bağışlamayacağımız bir fəlakət" adlandırıb və Rusiyanı mülki yaşayış binasını qəsdən hədəfə almaqda ittiham edib. Ukraynanın Hərbi Hava Qüvvələri açıqlamasında bildirilib ki, ölkə ərazisinə buraxılmış 65 Rusiya pilotsuz təyyarəsindən 46-sı vurulub, lakin altı bölgədə 19 dron birbaşa hədəfə dəyib. Rusiya tərəfi isə bu hücumlarla bağlı heç bir şərh verməyib. Rusiya Müdafiə Nazirliyi isə əksinə, ötən gecə ərzində beş bölgəsində 81 Ukrayna dronunun məhv edildiyini açıqlayıb. İtkilər barədə məlumat verilməyib. Ukraynanın Fövqəladə Hallar üzrə Dövlət Xidməti (DSNS) qeyd edib ki, Çerneççina kəndində iki yaşayış binası qismən dağılıb və zərbə nəticəsində yanğın baş verib. Xidmət hadisə yerindən yanğınsöndürmə əməliyyatlarının fotoşəkillərini də yayıb.
