Əziz Əliyev adına Azərbaycan Dövlət Həkimləri Təkmilləşdirmə İnstitutunun (ADHTİ) İnzibati işlər üzrə prorektoru İkram Həsənov işdən çıxarılıb.
Musavat.com "Qaynarinfo"ya istinadla xəbər verir ki, səhiyyə naziri Teymur Musayevin müvafiq əmri ilə İkram Rəhim oğlu Həsənov vəzifəsindən azad olunub.
İkram Həsənovun işlədiyi dövrdə institutda ciddi pozuntular aşkarlandığı da deyilir. Onun adı mətbuatda müxtəlif qalmaqallarda hallanıb.
Teymur Musayevin digər əmri ilə Süleymanov Röyal Süleyman oğlu ADHTİ-nin İnzibati işlər üzrə prorektoru təyin edilib.
Qeyd edək ki, Röyal Süleymanov 2008-ci ildən SOCAR-da müxtəlif vəzifələrdə çalışıb və 2020-ci ildən "Azəriqaz" İstehsalat Birliyində Hüquq şöbəsinin rəisi işləyib.
Bundan əvvəl, institutda Adilə Cəlal qızı Rzayeva Azərbaycan Dövlət Həkimləri Təkmilləşdirmə İnstitutunun Təlim-tərbiyə işləri üzrə, Rüfət Akif oğlu Hüseynli isə Beynəlxalq əlaqələr üzrə prorektor təyin olunub.
