Musavat.com xəbər verir ki, hadisə şəhərin Vilmerzdorf rayonunda qeydə alınıb. Plakatlarda "intiqam alın" şüarı, İkinci Dünya müharibəsi dövrünə aid alman hərbi əsirlərinin fotosu və bir QR-kod əks olunub. Sözügedən kod Ukraynanın rəsmi Beynəlxalq Legion saytına yönləndirir.
Alman mətbuatının, xüsusən də Berliner Zeitung nəşrinin məlumatına görə, ilk elanlar sentyabrın 19-da peyda olub və bir neçə gün ərzində asılı qaldıqdan sonra izsiz yoxa çıxıb. Hələlik həmin təşviqat materiallarının kim tərəfindən hazırlanaraq paylaşıldığı məlum deyil.
Ekspertlər isə ehtimal edirlər ki, bu aksiyanın arxasında Rusiya agentləri dayanır. Onların məqsədinin Almaniyada ictimai rəyə təsir göstərmək, Ukraynanı nüfuzdan salmaq və nasizm mövzusu üzərindən manipulyasiya etmək ola biləcəyi vurğulanır.
Beləliklə, sirli vərəqələr Almaniyada həm rezonans yaradıb, həm də mütəxəssislər tərəfindən hibrid müharibə üsullarının klassik nümunəsi kimi qiymətləndirilir.
