ain.az, Qafqazinfo portalına istinadən məlumat verir.
31 oktyabr – 2 noyabr tarixlərində Bakı incəsənət səhnəsinə çevriləcək.
“Qafqazinfo”nun məlumatına görə, sözügedən tarixdə Heydər Əliyev Fondu və IDEA İctimai birliyinin təşkilatçılığı ilə Bakıda incəsənət festivalı keçiriləcək.
“Bakıya uçuş. İncəsənət həftəsonu. Gələcəyi İNDİ duy” (“Fly to Baku. Art Weekend. Sense the Future NOW”) layihəsi həftəsonu Bakını yaradıcılıq, duyğular və enerji dalğasına bürüyəcək.
“Art Weekend” üçün su əsas element olaraq seçilib və fəlsəfi, bədii, ekoloji baxımdan layihənin konsepsiyasının mərkəzində yer alacaq. Tədbir suyun, incəsənətin və mədəni kimliyin bağlılığını ön plana çıxarır. Su burada axıcılığın, yenilənmənin və daim dəyişimin rəmzinə çevrilir. Festivalın bütün tədbirləri, sərgilərdən performanslara qədər, suyun axıcılığından, yenilənməsindən və hərəkətindən ilham alır.
Azərbaycanla yanaşı, digər ölkələrdən də tanınmış rəssam, kurator və incəsənət xadimlərinin iştirak edəcəyi “Art Weekend”də yaradıcı şəxslər Bakıda bir araya gələrək, suyu yaradıcılığın hər növünə nüfuz edən bir güc və mövzu kimi araşdıracaq.
31 oktyabr – 2 noyabr tarixlərində “Fly to Baku” incəsənət dolu həftəsonu ilə sənət səhnəsinə çevrilir — sərgilər, müzakirələr, performanslar və daha çoxu sizi gözləyir.
Daha ətraflı məlumat və yeniliklər üçün ain.az saytını izləyin.
