Sumud donanmasına aid gəmilər ələ keçirilib, fəallar həbs olunub...
Poliqon xəbər verir ki, İsrail Xarici İşlər Nazirliyi İsrail Hərbi Dəniz Qüvvələrinin Sumud donanmasına aid bir neçə gəmiyə müdaxilə edərək, üzərində olan fəalları, o cümlədən məşhur ekoaktiv Qreta Tunberqi saxladığını açıqlayıb.
Nazirlikdən verilən məlumata görə, “Hamas-Sumud” donanmasına aid gəmilər təhlükəsiz şəkildə dayandırılıb və sərnişinlər İsrail limanına gətirilib. Qreta Tunberq və onun həmkarlarının təhlükəsiz və sağlam olduqları bildirilib.
İsrailə gətirilən fəalların sonrakı mərhələdə deportasiya ediləcəyi qeyd olunur. Hadisə beynəlxalq ictimaiyyət tərəfindən geniş müzakirələrə səbəb olub, xüsusilə gənc ekoloqun saxlanması bir sıra ölkələrdə etiraz və diqqət doğurub.
Məsələ ilə bağlı İsrail hakimiyyəti təhlükəsizlik səbəblərini əsas gətirir və ölkəyə qanunsuz gəmilərin daxil olmasının qarşısını almaq üçün atılan addımların qanuni olduğunu vurğulayır.
Poliqon.info
