1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İranın Tehran Universitetində laboratoriyada güclü partlayış baş verib. Hadisə nəticəsində ölən və yaralananlar var.
Oxu.Az-ın məlumatına görə, bu barədə "Daneshjoo" agentliyi xəbər yayıb.
Bildirilib ki, laboratoriyada hidrogen balonu partlayıb, nəticədə ikimərtəbəli təhsil binasının divarlarının bir hissəsi dağılıb. Əraziyə dörd yanğınsöndürmə briqadası cəlb olunub.
Hadisə nəticəsində biri qadın olmaqla iki nəfər yaralanıb. Onlar xəstəxanaya yerləşdiriliblər. Daha bir kişi həlak olub.
Bundan başqa dağıntı səbəbindən ətrafa səpələnən şüşə qırıntılarından daha bir neçə nəfər yüngül xəsarət alıb.
