Azərbaycanda növbəti mühüm diplomatik hadisə baş tutacaq.
Musavat.com xəbər verir ki, 13–14 oktyabr tarixlərində Bakıda Azərbaycan, Rusiya və İran hökumət nümayəndələrinin üçtərəfli görüşü keçiriləcək. Bu barədə Azərbaycan Respublikasının Nazirlər Kabinetindən məlumat verilib.
Məlumata görə, görüşdə Azərbaycan tərəfdən Baş nazirin müavini Şahin Mustafayev, Rusiya tərəfdən Baş nazirin müavini Aleksey Overçuk, İran tərəfdən isə nəqliyyat və şəhərsalma naziri Fərzanə Sadıqi iştirak edəcək.
Tərəflər nəqliyyat və logistika, enerji və gömrük sahəsində əməkdaşlıq məsələlərini müzakirə edəcəklər.
Musavat.com
