İzmirdə keçirilən uğurlu əməliyyatla mütəşəkkil cinayət təşkilatı "Cəhənnəm Mələkləri" nin lideri Necati Arabacı nəzarətə götürülüb.
"Unikal" xəbər verir ki, bu barədə İzmir Respublika Baş Prokurorluğu məlumat yayıb.
Arabacının 5 oktyabr 2025-ci ildə Serbiyanın paytaxtı Belqraddan Adnan Menderes Hava Limanına daxil olduğu müəyyən edilib. İzmir İl Təhlükəsizlik Müdirliyinin Mütəşəkkil Cinayətkarlıqla Mübarizə Şöbəsi tərəfindən həyata keçirilən əməliyyatda saxlanılan Arabacı cinayət təşkilatı fəaliyyətlərində iştirak edən mühüm fiqur kimi tanınır.
İctimaiyyət arasında “Cəhənnəm” ləqəbi ilə tanınan Necati Arabacı ilə bağlı polis idarəsində prosedurların davam etdiyi bildirilib.
