ABŞ Prezidenti Donald Trump yaxınlarda Rusiyanın "kağız pələng" olduğu fikrini irəli sürüb. Bu termini öz zamanında Mao Szedun ABŞ və kapitalist dünyasına istinadən işlətmişdi...
Poliqon xəbər verir ki, Nyuarkdakı Ratqers Universitetinin siyasi elmlər professoru Aleksandr J. Motil The Hill qəzeti üçün yazdığı məqaləsində Putinin mətbuat katibi Dmitri Peskovun reaksiyasına xüsusi diqqət yetirib. O zaman Kremlin mətbuat katibi bildirib ki, Rusiya heç də pələng deyil və ənənəvi olaraq onu ayı hesab edirlər.
"Kağız ayılar olmaz. Rusiya - həqiqi ayıdır... Onda kağızdan heç nə yoxdur", deyə Peskov bildirib.
Motilin fikrincə, bu sözlər daha ətraflı təhlili haqq edir. O, Peskovun Rusiyanın, onu enerjili, güclü və vəhşi bir heyvan kimi başa düşsəniz, pələng olmadığı mövqeyi ilə razılaşdı. Professor izah edib ki, Putinin sayısız səhvləri və ağılsızlıqları səbəbindən bu günkü Rusiya yorğun və zəifdir. Onu yalnız hələ də enerjili və güclü olduğunu iddia etməyə çalışaraq dünyanı hər dəfə qorxudan cəhdləri qədər vəhşi adlandırmaq olar.
"Peskovun "Rusiya ənənəvi olaraq ayı kimi qəbul edilir" dediyi zaman da haqlıdır. Putinin mətbuat katibinin qeyd etmədiyi şey odur ki, ayı müqayisəsinin mənşəri XVI əsrə qədər uzanır və o zamanın Moskoviyasını ziyarət edən Qərbi Avropa səyyahları tərəfindən işlənib hazırlanıb. Həmin dövrdə Moskvanı ziyarət edən ingilis səyyahları onu "kobud və barbar krallıq" adlandırırdılar", deyə Motil bildirib.
O, vurğulayır ki, Rusiyanı ayı ilə müqayisə edən ilk növbədə Qərb olduğu üçün, bu müqayisəyə "kağız" sözü də daxil olmaqla müxtəlif əlavələr etmək haqqına tam malikdir. Müəllif qeyd edir ki, keçmişdə ayını həm "qəzəbli və zəhərli, həm də dostca və uyğun" kimi təsvir ediblər. Müəllif özünə niyə bu gün onu yorğun və zəif kimi qiymətləndirməyimiz sualını verir.
O, əlavə edir ki, Peskovun dediyindən fərqli olaraq, kağız ayılar həqiqətən də mövcuddur. Bundan əlavə, Amerika prezidentinin də qeyd etdiyi kimi, Rusiya ayıya oxşar bir ölkənin üç il əvvəl qalib gələcəyi bir müharibəni uduzur:
"Əgər Rusiya həqiqətən də Peskovun israrla təkrar etdiyi kimi həqiqi ayıdırsa, o zaman bu, əlbəttə ki, qrizli və ya Kadyak deyil, daha çox pelüş oyuncaq ayı və ya 1980-ci ildə Moskvada keçirilən Olimpiya Oyunlarının talismanı Mişadır".
Motilin dediyinə görə, daha da vacibi odur ki, Rusiyanı "kağız ayı" edən məhz Putinin özüdür. Məhz Putin uduzduğu, artıq minlərlə ölüm və yaralanmaya səbəb olan Ukrayna müharibəsini başladıb.
Rusiya işğal qüvvələri tərəfindən ukrayn ərazilərinin ələ keçirilməsi faktiki olaraq dayanıb. Bu vaxt Rusiya Ukrayna dronlarının hücumları nəticəsində neft emalı gücünün dörddə birini itirib. Aqressor ölkənin iqtisadiyyatı dağılır və indi Rusiya hətta müflis olmaq təhlükəsi ilə üzləşə bilər.
Bundan əlavə, Motil qeyd edir ki, Rusiyada cinayətkarlq kəskin şəkildə artıb. Əhali arasında narazılıq və inflyasiya da artır. "Putinin hər kəsi qorxutduğu NATO genişlənib, Rusiyanın özü isə Çin və Şimali Koreyanın vassalına çevrilib", deyə müəllif yazır.
"Ukrayna yəqin ki, yaxın gələcəkdə Avropa İttifaqına qoşulacaq və beləliklə, Rusiya üçün əbədi olaraq itiriləcək. Putinin nailiyyətlərinin bu siyahısını asanlıqla davam etdirmək olar, amma hətta bu qısa sadalama belə aydın şəkildə göstərir ki, Putin üç il ərzində Rusiyanı kağız ayıya çevirib. Daha pisi isə, bu kağız ayı ağır yaralanıb, bəlkə də ölümcül. Putinin bir neçə il hökmranlığından sonra rus ayısı ölü ördəyə çevrilə bilər", deyə Aleksandr J. Motil əlavə edib.
Poliqon.info
