ain.az, Azpolitika.az portalına istinadən məlumatı açıqlayır.
"Biz ABŞ ilə böyük sövdələşməyə hazırıq. Tərəzinin bir tərəfində onların sualları, xahişləri və tələbləri, digər tərəfində isə bizim suallarımız və tələblərimiz var. Biz bunu həll edəcəyikmi? Gəlin həll edək. Biz buna hazırıq. Mən Donald Trampın bununla bağlı təklifləri ilə tamamilə razıyam".
“AzPolitika” xəbər verir ki, bunu Belarus Prezidenti Aleksandr Lukaşenko qlobal beynəlxalq vəziyyətlə bağlı iclasda deyib.
Belarus Prezidenti gələcək üçün Belarus-Amerika münasibətlərinin inkişafı alqoritminin hazırlanmasını tapşırıb. O, tərəfləri bu məsələdə prioritetlərini və qırmızı xətlərini müəyyən etməyə çağırıb: “Bizim hərəkətlərimizin təkcə Belarus-Rusiya deyil, həm də Belarus-Çin münasibətlərinə, eləcə də Belarusun Avrasiya inteqrasiya birliklərində iştirakının bir hissəsi kimi digər dost ölkələr qarşısında öhdəliklərimizə heç bir şəkildə zərər verməməsini təmin etmək vacibdir”.
Aleksandr Lukaşenko sentyabrda Minskdə ABŞ Prezidentinin nümayəndəsi Con Koul ilə görüşüb. Danışıqlar zamanı ABŞ-nin Belarusun “Belavia” aviaşirkətinə qarşı sanksiyaları ləğv etdiyi və ölkələr arasında münasibətlərin daha da normallaşması üçün Minskdəki səfirliyini yenidən açmağa hazır olduğu açıqlanıb. Aleksandr Lukaşenko isə ABŞ ilə razılaşma çərçivəsində ölkədə həbsdə olan vətəndaşları azad etməyə hazır olduğunu da açıqlayıb və onların bir neçəsini azad edib.
“AzPolitika.info”
Hadisənin gedişatını izləmək üçün ain.az saytında ən son yeniliklərə baxın.
