Dünya bazarında ABŞ dolları ucuzlaşır. Amerika valyutasına təzyiq Çin və ABŞ arasında investorların əhval-ruhiyyəsini sarsıdan ticarət müharibəsi, eləcə də ABŞ Federal Ehtiyat Sisteminin bu il faiz dərəcələrini azaldacağına inamın artması ilə bağlıdır.
Reyting.az “Reuters”ə istinadla xəbər verir ki, baş nazir Sebastien Lecornu parlamentdə etimadsızlıq səsverməsi ilə üzləşdikdən sonra avro həftəlik maksimuma çatıb: 0,12 faiz artaraq 1,1661 dollar olub.
Bu həftə investorların diqqəti dünyanın ən böyük iqtisadiyyatları arasında ticarət müharibəsinə yönəlib. Üstəlik, Çinin nadir torpaq metallarına ixrac nəzarətini genişləndirməsi qlobal təchizat zəncirlərinə təhlükə kimi kəskin tənqid edilib.
Çinin Ticarət Nazirliyi bu tədbirləri müdafiə edərək, ABŞ-nın Çin mallarına və şirkətlərinə qarşı hərəkətlərinə işarə edərək, ABŞ tərəfdən səslənən tənqidləri ikiüzlülük adlandırıb.
Bu, həftə ərzində dolların məzənnəsini aşağı salıb. ABŞ dollarını digər 6 valyutaya nisbətdə ölçən dollar indeksi 0,16 faiz azalaraq 98,512-ə çatıb ki, bu da həftəlik 0,33 faiz eniş deməkdir.
V. QULİYEV
