Prezidentin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycanın Birinci vitse-prezidenti Mehriban Əliyevanın Vatikana səfəri barədə “X” sosial şəbəkə hesabında paylaşım edib.
NOCOMMENT.az bildirir ki, paylaşımda Mehriban Əliyevanın səmərəli görüşləri barədə ətraflı məlumat verilir.
Prezidentin köməkçisi Mehriban Əliyevanın Roma Papası XIV Leo ilə görüşünün Azərbaycanın dinlərarası anlaşma və mədəniyyətlərarası dialoqa sadiqliyini nümayiş etdirdiyini ifadə etməsinə diqqət çəkib:
“Bu səfər Azərbaycanın mədəni və humanitar diplomatiyasının parlaq nümunəsidir. Azərbaycanın katolik xristian irsinin bərpasına verdiyi dəstək və bu sahədə uzunmüddətli əməkdaşlığı ölkənin tolerantlıq və qarşılıqlı hörmət prinsiplərinə sadiqliyini təsdiqləyir”.
Hikmət Hacıyev müsəlman əhalinin çoxluq təşkil etdiyi, eyni zamanda xristian, yəhudi və digər dinlərin nümayəndələrinin dinc yanaşı yaşadığı dünyəvi Azərbaycanın bu gün inklüzivlik, dözümlülük və multikultural harmoniyanın parlaq nümunəsi olduğunu qeyd edib:
“Qadınların gücləndirilməsi və bərabər imkanların təminində mühüm təcrübəyə malik Azərbaycan Cənubi Qafqazı sülh və sabitlik məkanına çevirərək, qlobal miqyasda sülh, dialoq və əməkdaşlığa əsaslanan müsbət gündəliyi irəli aparır”.
The visit of the First Vice-President of the Republic of Azerbaijan, Mrs.Mehriban Aliyeva, to the Vatican, her intense productive meetings, and especially her audience with His Holiness Pope Leo XIV, the country’s support for the restoration of Catholic Christian heritage and its… https://t.co/3eGoFFNSGt
— Hikmet Hajiyev (@HikmetHajiyev) October 18, 2025
