Ukraynaya girişinə icazə verilməyən rumıniyalı deputat Diana Sosoaka Ukrayna prezidenti Volodimir Zelenskinin Rumıniya parlamentinə getməyə cəhd edəcəyi təqdirdə onu "ayaqlarını sındıracağı" ilə hədələyib...
Poliqon xəbər verir ki, o, bu barədə Rusiyaya səfəri zamanı "Rusiyanın Dostları" Beynəlxalq Assosiasiyasının iclasında iştirak edərkən bildirib.
Sosoaka Facebook-da bu tədbirə səfərinin nəticələrindən bəhs edən press-reliz dərc edib:
"Əgər o, mənim parlamentimə gəlməyə cəsarət etsə, onun ayaqlarını sındıracağam! Qoy o, mənim parlamentimdə çıxış etməyə cəsarət etməsin. Mən niyə "mənim parlamentim" deyirəm? Çünki Rumıniya Konstitusiyasında deyilir ki, biz parlamentarilər Rumıniya xalqının nümayəndələriyik və Rumıniya xalqının suverenliyini təmsil edə bilərik".
Press-relizdə həmçinin Ukrayna dövlətinə qarşı çoxsaylı hücumlar yer alır və iddia edilir ki, Ukraynada bir milyondan çox rumıniyalıya rumın dilində danışmaq qadağan edilib.
Diana Sosoaka ifrat sağçı siyasi spektrin nümayəndəsidir. O, COVID-19 pandemiyası zamanı karantin tədbirlərinə qarşı çıxış edərkən və Rumıniyada "anti-vaxxer" hərəkatının liderlərindən biri olduqda siyasi tanınıb.
2020-ci ilin dekabrında Alianta pentru Unirea Romanilor (AUR) partiyasının siyahısı ilə Rumıniya Senatına seçilib. Lakin iki il sonra o, S.O.S.-un lideri olub. Bu, sağ populizm, avroskeptisizm və millətçilik platformasında dayanan Rumıniya partiyasıdır. 2024-cü ilin iyulunda o, Avropa Parlamentinin üzvü olub.
Sosoaka Rumıniyanın Avropa Birliyinə üzvlüyünə qarşıdır və NATO-ya şübhə ilə yanaşır, belə hesab edir ki, bu təşkilatlar Rumıniyanı arzuolunmaz münaqişələrə aparır. O, həmçinin, onun fikrincə, Rumıniyaya məxsus olan və geri qaytarılmalı olan "tarixi əraziləri" iddia edir.
Poliqon.info
