Oxu.az portalından alınan məlumata görə, ain.az xəbər verir.
İlon Mask özünün yaratdığı onlayn-ensiklopediya versiyasını "Grokipedia" adı ilə işə salıb.
Oxu.Az xəbər verir ki, bu barədə "The New York Times" nəşri yazıb.
Onun məlumatına görə, "Wikipedia"nın analoqu olacaq "Grokipedia" saytı oktyabrın 27-də işə salınıb. Hələlik bu versiyada süni intellektin köməyi ilə yazılmış 800 mindən çox yazı var. "Wikipedia" isə özündə təxminən 8 milyon məqaləni birləşdirir. Yeni onlayn-ensiklopediyanın adında Maskın "xAI" şirkəti tərəfindən hazırlanmış "Grok" süni intellektinin adı yer alıb.
İlon Mask 2025-ci ilin sentyabrında bildirib ki, "Grokipedia"nın fəaliyyəti "Wikipedia" ilə müqayisədə daha mükəmməl olacaq. Oktyabrda isə öz onlayn-ensiklopediyasının tezliklə istifadəyə veriləcəyinin anonsunu verib və təbliğatın kökünün kəsilməsi istiqamətində fəaliyyətin vacibliyindən danışıb.
Daha əvvəl Mask "Wikipedia"nın redaksiya siyasəti səbəbindən onun üçün maliyyə ianələrini dayandırmağa çağırıb.
Hadisənin gedişatını izləmək üçün ain.az saytında ən son yeniliklərə baxın.
