Növbəti köç Qırmızı Bazara və Sos kəndinə çatdı

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir.
ONN media xəbər verir ki, Xocavənd rayonunun Qırmızı Bazar qəsəbəsi və Sos kəndinə yola salınan növbəti köç karvanı artıq çatıb.
Bu dəfəki köç karvanında Qırmızı Bazara 20 ailə (71 nəfər), Sos kəndinə isə 10 ailə (42 nəfər) köçürülüb.
Köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.