Ukrayna müdafiəçiləri Donetsk vilayətinin Dobropillya sektorunda rus işğalçılarını uğurla dəf ediblər.
İşğalçılar Kuçeriv Yar və Novi Şaxove kəndlərini ələ keçirməyə çalışıblar.
Bu barədə Telegram-dakı “DeepState” analitik layihəsi məlumat verib. Bəyanatda deyilir: “Ukrayna Müdafiə Qüvvələri düşməni Kuçeriv Yar və Novi Şaxove yaxınlığında dəf edib.
Düşmən Zvirove və Stepna Novosilka yaxınlığında irəliləyibdi”.
Qeyd edək ki, dünən axşam, 27 oktyabrda Ukrayna Milli Qvardiyasının 1-ci “Azov” Korpusu rus işğalçılarının Dobropillya (Oçeretin sektoru) yaxınlığında daha bir mexanikləşdirilmiş hücuma keçərək Şaxove və Volodymyrivka kəndlərini ələ keçirməyə çalışdıqlarını bildirmişdi.
//Samir Qurbanov, Editor.az
