BAKI, 3 noyabr. TELEQRAF
“ABŞ-nin dünyanı 150 dəfə partlatmağa kifayət edəcək qədər nüvə silahı var”.
Teleqraf xəbər verir ki, bunu ABŞ Prezidenti Donald Tramp “CBS News”a müsahibəsində deyib.
“Bizdə digər ölkələrdən daha çox nüvə silahı var. Nüvəsizləşmə məsələsi ilə bağlı nəsə etməliyik”, - o bildirib.
Trampın sözlərinə görə, o, bu məsələni Çin Sədri Si Cinpin və Rusiya Prezidenti Vladimir Putinlə müzakirə edib.
“Bizdə dünyanı 150 dəfə partlatmağa kifayət edəcək qədər nüvə silahı var. Rusiyanın çoxlu nüvə silahı var və Çində də çox olacaq”, - Amerika lideri vurğulayıb.
Həmçinin onun sözlərinə görə, o istəmir ki, ABŞ nüvə sınaqları aparmayan yeganə ölkə olsun:
“Nüvə sınaqları aparacağıq, digər ölkələrin etdikləri kimi. Rusiya sınaqlar aparır, Çin sınaqlar aparır, amma onlar bunun haqqında danışmırlar. Biz açıq cəmiyyətik. Biz fərqliyik. Biz bu haqda danışırıq”.
