Donald Tramp və Barak Obama ABŞ-ın keçmiş prezidenti Cimmi Karterin dəfn mərasimində görüşüblər.
AzPost bildirir ki, ABC News jurnalisti Conatan Karlın sözlərinə görə, söhbət zamanı Tramp keçmiş ABŞ liderini qolf oynamağa dəvət edib.
Jurnalistlər dəfn mərasimindən əvvəl iki siyasətçinin canlı söhbət etdiyini müşahidə ediblər. Onların söhbəti qeyri-rəsmi şəraitdə baş tutub: Tramp və Obama əlləri ilə müxtəlif jestlər ediblər, təbəssümlə fikir mübadiləsi aparıb və olduqca rahat görünüblər.
Lakin qolf oyunu baş tutmayıb. Bir neçə ay sonra Tramp Obamaya qarşı bir sıra əsassız ittihamlar, o cümlədən dövlətə xəyanət ittihamları irəli sürüb.
Keçmiş ABŞ prezidenti Cimmi Karter ötən ilin dekabr ayında vəfat edib. O, 100 yaşında idi. O, uzun müddət xərçənglə mübarizə apardıqdan sonra Pleynsdəki evində vəfat edib.
