Azertag saytından alınan məlumatlara görə, ain.az xəbər verir.
Bakı, 3 noyabr, AZƏRTAC
UEFA Çempionlar Liqasının əsas mərhələsinin IV turunda “Qarabağ”ın qonağı olacaq İngiltərənin “Çelsi” klubunun Bakıya səfər proqramı bəlli olub.
Bu barədə AZƏRTAC-a Ağdam klubunun mətbuat xidmətindən məlumat verilib.
Bildirilib ki, London təmsilçisi Azərbaycan paytaxtına matçdan 1 gün öncə - noyabrın 4-də gələcək. “Zadəganlar”ın Bakıda oyunöncəsi mətbuat konfransı və açıq məşqi nəzərdə tutulmayıb.
Qeyd edək ki, noyabrın 5-də Tofiq Bəhramov adına Respublika Stadionunda keçiriləcək “Qarabağ” – “Çelsi” görüşü saat 21:45-də başlayacaq. İlk 3 turdan sonra hər iki komandanın aktivində 6 xal var. Azərbaycan çempionu 13-cü, London klubu isə 11-ci pillədə qərarlaşıb.
Sonrakı hadisələr barədə daha çox məlumat almaq üçün ain.az saytını izləyin.
