Bu həftənin sonuna qədər Türkiyə liderləri öz kontingentlərinin Qəzza zolağındakı beynəlxalq sabitləşdirmə qüvvələrində iştirak edib-etməyəcəyinə qərar verəcəklər.
“Türkiye” qəzetinin məlumatına görə, Türkiyə hərbi müşahidəçiləri, axtarış-xilasetmə və mühəndislik bölmələri Qəzzaya yerləşdirilə bilər. Lakin, nəşrə görə, daha çox ehtimal olunan variant Misir, Pakistan və Azərbaycandan olan qüvvələrin bölgədə təhlükəsizliyi təmin etmək üçün anklava gəlməsidir. Türkiyə Müdafiə Nazirliyi hazırda Qəzzada atəşkəsi izləmək üçün xüsusi qrup yaratmaq ehtimalı ilə bağlı xarici həmkarları ilə əlaqə saxlayır.
//Samir Qurbanov, Editor.az
