Rusiyalı qadın yemək bişirməkdən imtina etdiyi üçün əri tərəfindən döyüldükdən sonra ölüb.
Publika.az xəbər verir ki, arvadını ölümcül döyən 42 yaşlı kişi Altayda məhkəmə qarşısına çıxacaq.
Bu barədə Rusiya Federasiyasının region üzrə İstintaq Komitəsi məlumat yayıb.
Qeyd edilir ki, hadisə 22 avqustda cütlüyün evində baş verib.
Müstəntiqlərin sözlərinə görə, kişi sərxoş vəziyyətdə olub, arvadı onun davranışından dostlarına şikayət etdikdən və yemək bişirməkdən imtina etdikdən sonra onun başına bir neçə dəfə vurub.
