Yardım Sadır Japarovun tapşırığı ilə Türkiyə vasitəsilə çatdırılıb...
Poliqon xəbər verir ki, Qırğızıstan prezidenti Sadır Japarovun göstərişi ilə Suriyanın xalqına 150 tondan artıq humanitar yardım göndərilib. Aksiya Qırğızıstan Milli Təhlükəsizlik Dövlət Komitəsi, Xarici İşlər Nazirliyi və Türkiyənin müvafiq qurumlarının dəstəyi ilə həyata keçirilib.
Humanitar yardım çərçivəsində Suriyaya əsas ərzaq məhsulları və gündəlik tələbat malları çatdırılıb. Rəsmi məlumatda bildirilir ki, bu addım Qırğızıstanın dost xalqlara dəstək siyasətinin bir hissəsidir və regionda humanitar sabitliyə töhfə verməyi hədəfləyir.
Suriyanın prezidenti Əhməd Hüseyn əş-Şəraa Qırğızıstan rəhbərliyinə təşəkkür edərək göstərilən yardımı “qardaşlıq dəstəyi” adlandırıb. O qeyd edib ki, bu humanitar jest iki ölkə arasında dostluq və qarşılıqlı hörmət əlaqələrini daha da möhkəmləndirəcək.
Poliqon.info
