Kəlbəcər rayon sakini Allahverdiyev Cahad Dilqəm oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi Əmək və Əhalinin Sosial Müdafiəsi Nazirliyinin vəzifəli şəxslərindən şikayətçidir:
“Mən, Allahverdiyev Cahad Dilqəm oğlu, yazaraq bildirirəm ki, ünvanlı sosial yardım almaq üçün Əmək və Əhalinin Sosial Müdafiəsi Nazirliyinə müraciət etdim.
Özüm keçmiş məcburi köçkünəm. Müraciət edərkən yaşadığım ünvanı, yəni Gəncə şəhəri, Gülüstan qəsəbəsini qeyd etmişdim. Nazirliyin əməkdaşları isə Daşkəsən rayon, Quşçu kəndinə gediblər. Ordan mənə zəng vurub ünvanımı soruşurlar. Deyirəmki, siz hara getmisiniz, niyə oradasınız? Cavab verdilər ki, sistemdə sizin yaşadığınız ünvanı buradır...
Deyəsən, bu da imtina verməyin bir yoludur. Hətta nazirliyin əməkdaşları dedilər ki, sistemdə arada belə səhvlər olur. Günah özlərində olsa da bildirdilər ki, imtina verməyə məcburuq.
Belə haqsızlıq olar? Sistemdə olan səhvə görə, mən niyə cəza çəkməliyəm?”
Jalə FAMİLQIZI
Redaksiyadan: Qarşı tərəfin mövqeyini dərc etməyə hazırıq.
