BAKI, 6 noyabr. TELEQRAF
ABŞ Suriya və İsrail arasında Vaşinqtonun vasitəçiliyi ilə əldə edilmiş təhlükəsizlik sazişinin həyata keçirilməsini dəstəkləmək üçün Dəməşq hava limanında hərbi mövcudluq yaratmağa hazırlaşır.
Teleqraf xəbər verir ki, bu barədə altı mənbəyə istinadla “Reuters” agentliyi məlumat yayıb.
Bildirilib ki, baza Donald Tramp administrasiyasının vasitəçiliyi ilə İsrail və Suriya arasında hərbi təcavüzü istisna edən razılaşma əsasında Suriyanın cənubunda silahsızlaşdırılmış zonaya çevriləcək ərazinin başlanğıcında yerləşəcək.
Qeyd edək ki, noyabrın 10-da Suriya Prezidenti Əhməd Şaraa Ağ Evdə ABŞ Prezidenti Donald Trampla görüşəcək.
