Boneca Desumana ("Canlı Barbi", "Barbi kuklası") kimi tanınan braziliyalı bloger və model Barbara Yankavski San-Paulu şəhərində müəmmalı şəraitdə vəfat edib.
Bizim.Media xəbər verir ki, bu barədə “DailyStar” məlumat yayıb.
Yerli polisin məlumatına görə, Yankavskinin cəsədi noyabrın 2-də axşam San-Paulonun qərbindəki Lapa məhəlləsindəki evdə tapılıb.
Ev sahibi, 51 yaşlı vəkil gününü Barbara ilə keçirdiyini və onu cinsi xidmətlər üçün çağırdığını bildirib. O etiraf edib ki, blogerlə narkotik istifadə ediblər, bundan sonra Barbara televizora baxarkən alt paltarında onun yanında yatıb.
O deyib ki, oyandıqdan sonra Barbaradan heç bir cavab ala bilməyib. Təcili yardım briqadası çağırılsa da, qadının həyatını xilas etmək mümkün olmayıb. Ölüm şübhəli kimi qiymətləndirilir, araşdırma aparılır.
Yerli media mərhumun kürəyində göz zədələri və izlər olduğunu, ölməzdən əvvəl şiddətli öskürəyin olduğunu bildirir.
Daha əvvəl evdə olan və faciədən əvvəl oradan ayrılan qadın polisə bildirib ki, Barbara səhər saatlarında yıxılaraq gözünü zədələyib.
San-Paulu polisi ölümün səbəbini müəyyən etmək üçün məhkəmə-tibbi ekspertizanın nəticələrini gözləyir.
Barbaranın evində öldüyü vəkil hələ həbs olunmayıb, lakin onun hərəkətləri ehtiyatsızlıqdan və ya qanunsuz maddələrdən istifadə nəticəsində ölümə səbəb ola biləcək iş üzrə araşdırılır.
Qeyd edək ki, 55 mindən çox instaqram izləyicisi olan qadın "Canlı Barbi" olmağa çalışaraq çoxsaylı plastik əməliyyatları ilə məşhurlaşıb.
Ölümünə qədər Barbara 27 plastik əməliyyat keçirib və görünüşünü dəyişdirmək üçün təxminən 42.000 funt sterlinq xərcləyib.
Son videolarından birində o, növbəti əməliyyatdan sonra qaralmış və qan içində olan gözlərini göstərərək, videonun altına "Çapıqlar demək olar ki, görünməzdir" yazaraq izləyicilərini şoka salmışdı.
Bizim.Media
