GTA 6 yenə təxirə salındı: oyun 2026-cı ilin noyabrında çıxacaq
Rockstar əlavə hazırlıq müddəti istəyir
İnterpress.az xəbər verir ki, bu barədə Rockstar Games sosial şəbəkədə məlumat yayıb.
Rockstar Games Grand Theft Auto VI-nın relizini yenidən dəyişib. Oyun əvvəlki plana nisbətən altı ay gec — 19 noyabr 2026-cı ildə satışa çıxacaq. Şirkət qərarı layihənin “cilalanması və keyfiyyətin yekun yoxlanması üçün əlavə vaxta ehtiyac” ilə izah edib və fanatlara səbirləri üçün təşəkkür edib.
Şirkət bildirir ki, GTA 6 oyunçulara Leonida ştatının böyük dünyasını araşdırmaq və müasir Vays-Sitiyə qayıtmaq imkanı verəcək. İnsayder məlumatlarına görə, daxili inkişaf qrafikləri dəfələrlə dəyişib. Bu, əvvəl Rockstar-ın Red Dead Redemption 2 daxil olmaqla digər iri layihələrində də baş verib.
Əlavə: GTA 5 indiyədək 215 milyondan çox nüsxə satılıb və Minecraft-dan sonra tarixdə ən çox satılan ikinci oyun olaraq qalır.
Xuraman Etibarlı
İnterpress.az
