Çin hökuməti Tayvanın müstəqilliyini dəstəkləyən şəxslərin Avropa Parlamentinə səfəri və orada keçirilən tədbirə görə Avropa İttifaqına (Aİ) etirazını bildirib və rəsmi nota təqdim edib.
Gundem.az xəbər verir ki, bu barədə məlumat Çin Xalq Respublikasının Aİ-dəki nümayəndəliyinin rəsmi saytında yayımlanıb.
Bəyanatda qeyd edilir ki, "Çin üzrə Parlamentlərarası Alyans" (Inter-Parliamentary Alliance on China) Avropa Parlamentinin binasında illik toplantı təşkil edib. Çin tərəfinin qəti narazılığına baxmayaraq, Avropa Parlamenti Tayvan rəhbərliyinin müavini Syao Meyçin və müstəqillik tərəfdarı hərəkatın digər üzvlərinə binanı ziyarət etməyə, tədbirdə iştirak etməyə və Çin əleyhinə mövqelərini səsləndirməyə icazə verib.
Çin bu hadisəni "separatçılığa şərait yaradan addım" kimi qiymətləndirib, kəskin etirazını bildirib və Avropa tərəfinə diplomatik nota göndərdiyini vurğulayıb.
