ain.az bildirir, Avtosfer portalına istinadən.
Çinin avtomobil sənayesinin sürətlə böyüməsinin fəsadları artıq hiss olunmağa başlayıb. İqtisad elmində böhranı yaradan səbəblərdən biri – təklifin artması, tələbin azalması artıq özünü göstərir.Avtosfer.az xəbər verir ki, “Xpeng” şirkətinin rəhbəri He Siaopinqin açıqlaması təkcə Çində deyil, dünya miqyasında geniş rezonans doğurub.
Siaopinq yerli televiziyaya müsahibəsində deyib: “Ələnmə dövrü yaxın 5 ildə başa çatacaq və Çinin cəmi 5 avtomobil istehsalçısı qalacaq. Heç kim müflisolmadan sığortalanmayıb”. Maraqlıdır ki, şirkət rərbəri öz müəssisəsinin də qalıb-qalmayacağından əmin deyil. O, şirkətlərin sıradan çıxmasına səbəb kimi hər avtomobildən əldə edilən xalis mənfəətin azlığını göstərir: “70 min yuana (9800 USD) avtomobil sataraq cəmi 1000 yuan (140 USD) qazanmaq metal tullatısı satmağa taydır”.İş adamı əlavə edib ki, əksər istehsalçılar avtomobili 10 min dollardan ucuz satır.
Hazırda Çində 150-dən çox avtomobil istehsalçısı fəaliyyət göstərir.
Vüqar
Ən son xəbərləri və yenilikləri almaq üçün ain.az saytını izləyin.
