Neftçala şəhərində bazar ərazisində metal və taxta konstruksiyalardan ibarət ümumi sahəsi 300 m² olan, bir dam altında tikilən obyektlərdən 3 ədəd tərəvəz satışı mağazasının yanar konstruksiyaları 100 m² sahədə yanıb.
APA xəbər verir ki, bu barədə Fövqəladə Hallar Nazirliyinin Mətbuat xidməti məlumat yayıb.
Bildirilib ki, digər mağazalar və bazar yanğından mühafizə olunub. Yanğın yanğından mühafizə bölmələri tərəfindən söndürülüb.
***
22:34
Neftçala bazarında baş verən yanğın yanğınsöndürənlər tərəfindən söndürülüb.
APA-nın Mil-Muğan bürosunun məlumatına görə yanğının ərazidə daha iri mağazalara keçməsinin qarşısı alınıb.
Yanğın nəticəsində bir neçə meyvə mağazası və piştaxtalar yanıb.
Faktla bağlı araşdırma aparılır.
***
22:18
Neftçalada bazarda yanğın hadisəsi qeydə alınıb.
APA-nın Mil-Muğan bürosunun məlumatına görə, yanğın hadisəsi şəhər mərkəzində yerləşən bazarda baş verib.
Yanğının söndürülməsi üçün Fövqəladə Hallar Nazirliyinin Neftçala Yanğından Mühafizə Hissəsinin yanğınsöndürən texnikası və canlı qüvvəsi cəlb olunub.
Bir neçə mağazanın yandığı bildirilir.
