Bakıda 15 yaşlı qızı evlənmək məqsədilə qaçıran oğlan Ağstafada saxlanılıb.
15 yaşlı Şəlalə Qasımova (ad və soyad şərtidir) Bakının Nizami rayonu ərazisində yerləşən gözəllik salonunda 25 yaşlı Orxan Xəlilovla (ad və soyad şərtidir) tanış olub. Orxan həmin salonda tatu vurur və saç kəsirmiş. Şəlalə isə salona dırnaq ustasının yanına öyrənməyə gəlirmiş. Get-gedə onların tanışlığı sevgiyə çevrilib, Orxan Şəlaləni oxudğu peşə məktəbinə aparıb ötürürmüş.
Günlərin bir günü Orxan Şəlaləni razılıq əsasında evlənmək üçün qaçırır. Zərərçəkənin sözlərinə görə, onlar əvvəlcə Sabunçu qəsəbəsi “bit bazarı” yaxınlığında Orxanın ailəsi ilə kirayədə qaldığı bir otaqlı evə gəliblər:
“Burada Orxanın atası ayrı çarpayıda, mən Orxan və anası isə bir çarpayıda yatırdıq”.
Bir müddət sonra cütlük Qazax şəhərinə gedərək burada kirayə evdə qalıblar. Həmin evdə ilk dəfə təbii yolla cinsi əlaqədə olublar. Sonra isə Tovuz və Bakıda müxtəlif ünvanlarda qalıblar. Həmin evlərdə cütlük dəfələrlə təbii və qeyri-təbii yollarla cinsi əlaqədə olublar. Sonuncu dəfə isə Ağstafa rayonunun Dağ Kəsəmən kəndində, Orxanın qohumunun evində qeyri-təbii üsulla cinsi əlaqədə olduqdan sonra təqsirləndirilən şəxs saxlanılıb.
Orxan Xəlilovun barəsində Cinayət Məcəlləsinin 152.1-ci (14 yaşına çatmış amma 16 yaşına çatmamış şəxslə cinsi əlaqədə olmaq) maddəsilə cinayət işi açılıb. Orxan istitnaq zamanı ifadəsində Şəlaləni öz həyat yoldaşı kimi qəbul etdiyini və onunla barışmaq istədiyini deyib.
Zərərçəkən yeniyetmə qız hər şeyin öz razılığı əsasında baş verdiyini desə də, Orxanla barışmadığını və ondan şikayətçi olduğunu bildirərək, onun ağır cəzalandırılmasını istəyib.
Ağstafa rayon Məhkəməsinin qərarı ilə Orxan Xəlilov barəsində 1 il müddətinə azadlıqdan məhrumetmə cəzası təyin edilib./Lent.az
