Sabirabadda nikah yaşına çatmayan qızın toy mərasiminin keçiriləcək.
"Yeni Sabah" milli.az-a istinadla xəbər verir ki, toy noyabrın sonuna nəzərdə tutulub.
Mərasim oğlan evinin həyətində təşkil olunacaq. Həm bəy, həm də gəlin toy libaslarında olacaq.
Qızın 18 yaşı gələn il iyunun 19-da tamam olacaq.
Xatırladaq ki, Yolçubəyli kənd sakini, 35 yaşlı Orxan Mehbalıyevlə 17 yaşlı Türkədi kənd sakini Zəhra Salmanlının nikahı ilə əlaqədar oktyabrın 15-də qız toyu baş tutmuşdu. Məlumat polisə daxil olduqdan sonra hər iki tərəfin valideynləri şöbəyə dəvət edilərək profilaktik söhbətlər aparılmış və oktyabrın 23-nə planlaşdırılan oğlan toyunun qarşısının alınmışdı.
Ailə, Qadın və Uşaq Problemləri üzrə Dövlət Komitəsi də məsələni araşdırmışdı.
Hər iki qurum toyun qarşısının alındığını bildirsə də, oktyabrın 23-də oğlan toyunun gizli şəkildə keçirilməsi planlaşdırılmışdı. Toyun şadlıq sarayında deyil, O.Mehbalıyevin həyətində təşkil ediləcəyi, dəvətnamələrin paylandığı və qızın cehizlərinin oktyabrın 18-də oğlan evinə aparıldığı deyilmişdi.
Hətta toydan sonra cütlüyün Ukraynaya gedəcəyi və oktyabrın 26-na aviabiletlərin alındığı da iddia olunmuşdu.
Oktyabrın 23-nə nəzərdə tutulan toy ailə tərəfindən təxirə salınsa da, hazırda hər iki ailədə noyabrın sonunda keçiriləcək toy üçün hazırlıqların davam etdirir.
Telegram kanalımız
