ain.az, Apa.az portalına istinadən məlumatı açıqlayır.
Mərkəzi İraqın Vasit vilayətində kənd təsərrüfatı torpaqları üzərində başlayan qəbilələrarası münaqişə 8 nəfərin ölümü, 9 nəfərin isə yaralanması ilə nəticələnib.
APA xəbər verir ki, bu barədə yerli media təhlükəsizlik rəsmisinə istinadən məlumat verib.
Hadisə səhər saatlarında Xeşən kəndində Bədəvi mənşəli bir qəbilənin üzvləri arasında baş verib. Rəsminin sözlərinə görə, ölən və yaralananların hamısı münaqişədə birbaşa iştirak edən şəxslərdir.
Təhlükəsizlik qüvvələri ərazini nəzarətə götürsə də, atışmaların tam dayanmadığı bildirilir.
İraqda qəbilələrarası toqquşmalar tez-tez müşahidə olunur. Müharibələrdən zərər çəkmiş və silahın geniş yayıldığı ölkədə kiçik mübahisələr belə ölümcül qarşıdurmalara çevrilə bilir. Qəbilələr geniş nüfuza malikdir, öz adət və məhkəmə qaydalarına uyğun hərəkət edir və böyük silah ehtiyatlarına sahibdirlər.
Hadisənin gedişatını izləmək üçün ain.az saytında ən son yeniliklərə baxın.
