Ağcabədi rayonunda baş verən yol-nəqliyyat hadisəsi səbəbilə xəsarət alan 2002-cı il təvəllüdlü şəxs (kişi) Ağcabədi Rayon Mərkəzi Xəstəxanasına hospitalizasiya olunub.
APA xəbər verir ki, ona yuxarı ətraflarda yüngül sıyrıqlar diaqnozu təyin edilib.
Hazırda pasiyentin müalicəsi tibb müəssisəsinin Təcili tibbi yardım şöbəsində davam etdirilir.
Vəziyyəti stabil olaraq qiymətləndirilir.
***
19:39
Xəbərə fotolar əlavə edilib.
***
18:59
Ağcabədidə yol qəzası sürücünün ölümü ilə nəticələnib.
APA-nın yerli müxbiri xəbər verir ki, Ağcabədi şəhər ərazisində baş vermiş qəzada "VAZ-2106" və "Opel" markalı minik maşınları toqquşub.
İdarəetməni itirən "VAZ" yol kənarında dayanan "Mercedes" markalı minik maşınına çırpılıb.
Nəticədə "VAZ-2106" markalə avtomobilin sürücüsü, 1969-cu il təvəllüdlü İsa Vəliyev hadisə yerində ölüb, bir nəfər isə yaralanıb. Ağcabədi Rayon Mərkəzi Xəstəxanasına çatdırılıb.
Faktla bağlı araşdırma aparılır.
