ain.az, Sherg.az portalına istinadən məlumat verir.
İran Rusiyanın birbaşa və gizli yardımı ilə nüvə silahı proqramını davam və inkişaf etdirir.
Teleqraf xəbər verir ki, bu barədə “Ynet” informasiya agentliyi mənbələrə istinadla məlumat yayıb.
Bildirilir ki, İran Müdafiə Nazirliyinin nümayəndə heyəti ABŞ tərəfindən sanksiyalara məruz qalmış Rusiya hərbi texnologiya şirkətinə baş çəkib.
“Ynet”in yazdığına görə, Tehran və Moskva arasındakı əməkdaşlığın məqsədi İran hökumətinin nüvə silahı proqramının son mərhələsini tamamlamaqdır.
Nəşrə görə, İran Rusiyanın gizli yardımı ilə nüvə silahının dizaynını sınaqsız təsdiqləmək üçün lazer və müvafiq texnologiyalardan istifadə edir ki, bu da beynəlxalq nəzarəti çətinləşdirir. Xatırladılır ki, belə məlumatların yayıldığı bu günlərdə Atom Enerjisi üzrə Beynəlxalq Agentliyin (AEBA) İdarə Heyəti İrandan nüvə fəaliyyətləri ilə bağlı məlumatları dərhal təqdim etməyi tələb edib.
“Financial Times” da bildirib ki, İranın nüvə proqramı ilə məşğul olan şəxslər ötən il iki dəfə gizli şəkildə Rusiyaya səfər edib. ABŞ-nin məlumatına görə, səfər nüvə silahı istehsalında istifadə oluna biləcək həssas texnologiyaların əldə edilməsinə yönəlib. İran nümayəndələri səfər çərçivəsində Rusiya şirkəti “Laser Systems”in təmsilçiləri ilə görüşüblər. Bu Rusiya şirkəti həm qeyri-hərbi texnologiyalar, həm də gizli hərbi layihələr sahəsində fəaliyyət göstərir və Vaşinqton tərəfindən sanksiyalara məruz qalıb.
“Ynet” əlavə edir ki, İran və Rusiyanın əməkdaşlığı Tehranın nüvə silahlarına çatma vaxtını qısalda bilər.
Daha ətraflı məlumat və yeniliklər üçün ain.az saytını izləyin.
