UEFA Çempionlar Liqasının əsas mərhələsinin 5-ci turunda İtaliyada “Napoli” ilə keçirilən səfər oyununda zədə alan “Qarabağ”ın futbolçusu Kevin Medinanın hazırkı durumu bəlli olub.
İdmanxeber.az xəbər verir ki, bu gün aparılan müayinələrdən sonra kolumbiyalı müdafiəçinin vəziyyətinin normal olduğu müəyyənləşib. 32 yaşlı futbolçunun komandanın növbəti məşqindən etibarən heyətə qoşulması gözlənilir.
