Çin dünyada ilk dəfə Vyetnamla sərhəddə insanabənzər "Walker S2" robotları yerləşdirəcək.
Reyting.az-ın məlumatına görə, Çinin "UBTech Robotics" şirkəti 264 milyon yuanlıq müqavilə imzalayıb və robotların bu ilin dekabrından Quanşidəki Vyetnamın sərhəd-keçid məntəqələrinə təhvil verilməsi planlaşdırılır.
Çin istehsalı olan "Walker S2" adlı bu yeni robotlar sərnişin axınının tənzimlənməsi, yol göstərilməsi, patrul və logistik tapşırıqlar üçün istifadə olunacaq.
Müasir model "ağıllı maşın" 162 santimetr hündürlüyə, 43 kiloqram çəkiyə malikdir və bu yeni robot iki aqreqatlı batareya sistemi sayəsində 2-4 saat fasiləsiz işləyə bilir. Bir çox mütəxəssislərin fikrincə, Çin robotunun əsas üstünlüyü onun batareyanı avtonom şəkildə cəmi 3 dəqiqəyə dəyişə bilməsidir.
"UBTech Robotics" şirkəti ilin sonunadək 500 robot çatdırmağı, gələn il istehsalı 10 dəfə artırmağı və 2027-ci ilə qədər illik 10 min ədəd buraxılışa çatmağı planlaşdırır.
Oqtay QORÇU
