Rusiyada “WhatsApp” BLOKLANA BİLƏR

Rusiyada “WhatsApp”ın tam bloklanmasına hazırlaşırlar.

Paralel.az xəbər verir ki bu barədə Roskomnadzor məlumat verib.

Bildirilib ki, mesajlaşma tətbiqi olan “WhatsApp” Rusiya qanunvericiliyinin tələblərini yerinə yetirmədiyi təqdirdə ölkə ərazisində tam bloklana bilər.

Qurumun izahına görə, xidmətə qarşı ardıcıl şəkildə məhdudlaşdırıcı tədbirlər tətbiq olunur və bu, sistematik pozuntularla bağlıdır. Söhbət internet-kommunikasiyaların tənzimlənməsi sahəsində Rusiya qanunvericiliyinin tələblərinə əməl olunmamasından gedir.