Rəşid Behbudov adına Azərbaycan Dövlət Mahnı Teatrında neon estetikasında hazırlanmış tamaşa nümayiş olunub. SİA xəbər verir ki, tamaşa teatrın geniş auditoriya üçün nəzərdə tutulmuş yeni mövsüm layihələri çərçivəsində təqdim olunub.
Bildirilib ki, yaradıcı komandanın məqsədi Mahnı Teatrının təcrübəsinə yeni nəfəs gətirməkdir. “Bir dəniz hekayəsi” həm ritmə, həm rəqsə, həm də hekayəyə söykənən vizual-poetik təqdimat formatı ilə seçilir. Təqdim olunan musiqili tamaşada neon işıqlandırma, dinamik səhnə təsvirləri və dəniz atmosferi ilə birlikdə parlaq rəng axınları bir-birini tamamlayaraq, tamamilə fərqli vizual görüntü yaradıb.
İzləyicilər dalğaların ritmini, suyun axışını və hərəkətin enerjisini hiss edərək tamaşanı böyük rəğbətlə qarşılayıblar.
