ain.az, Sia Az saytına istinadən bildirir.
Məhkəmə fəaliyyətinin təkmilləşdirilməsi üzrə görülən tədbirlər çərçivəsində hakim vəzifəsinə namizədlərin şəffaf şəraitdə və obyektiv meyarlar əsasında fasiləsiz seçimi davam etdirilir. Növbəti müsabiqə çərçivəsində test imtahanında müvəffəqiyyət qazanmış 151 nəfər namizədlə Dövlət İmtahan Mərkəzinin elektron imtahanlar korpusunda yazılı imtahan keçirilib. SİA xəbər verir ki, imtahandan əvvəl Hakimlərin Seçki Komitəsi qapalı iclasında imtahanda istifadə edilməsi üçün cinayət və mülki sahələr üzrə kazus xarakterli suallar hazırlayıb. Onların sırasından, təsadüfi yolla biri cinayət, biri isə mülki sahəyə aid suallar seçilib.
Dörd saat davam edən imtahanda hakimliyə namizədlər kazusları həll edərkən onların faktiki hallarına uyğun düzgün maddi hüquq normasının müəyyən edilməsi və tətbiqi, mübahisənin həlli ilə bağlı zəruri olan prosessual hüquq normalarının tətbiqi, habelə tətbiq edilən normaların məzmununu kazusun halları baxımından izah etmək bacarıqlarını nümayiş etdirməlidirlər.
Qeyd edək ki, nəticələr cavab vərəqələri ikiqat yoxlama üsulu ilə qiymətləndirilməklə elan olunacaq. İmtahan prosesi müşahidəçilər tərəfindən şəffaf prosedur kimi yüksək dəyərləndirilib.
Hadisənin gedişatını izləmək üçün ain.az saytında ən son yeniliklərə baxın.
