Kanar adalarında 2 min il əvvəl əkilmiş məhsul tapıldı

İsveç və İspaniyadan olan beynəlxalq tədqiqatçılar qrupu Kanar adalarında qayalıqlarda yerləşən qədim taxıl anbarlarında təxminən iki min il əvvəl əkilmiş mərcimək toxumlarını aşkarlayıb.

Bizim.Media xəbər verir ki, vulkanik süxurun içi yonularaq hazırlanmış saxlanc yerlərində toxumların bu qədər yaxşı qorunması alimlərə genetik analiz aparmağa imkan verib. Təhlil göstərib ki, mərcimək adalara Şimali Afrikadan gətirilib.

Bu kəşf arxipelaqın yerli xalqlarının əcdadlarının əvvəllər güman edildiyi kimi təcrid olunmuş icma deyil, eramızın əvvəllərində Şimali Afrikadan gəldiyi nəzəriyyəsini təsdiqləyir. Onlar təkcə mürəkkəb vulkanik torpaqlara malik adaları məskunlaşdırmayıblar, həm də burada əkinçiliyi uğurla uyğunlaşdırıblar.

Ən təəccüblüsü isə odur ki, qədim mərciməyin genetik profili bu gün adalarda yetişdirilən sortla tamamilə eynidir. “Bu mərcimək növü burada artıq 2000 ildir ki, becərilir”, – deyə tədqiqatın aparıcı müəllifi Yenni Hagenblad bildirib. – “Avropalıların adaları fəth etməsindən sonra əhali dəyişsə də, yerli kənd təsərrüfatı mədəniyyətləri yeni məskunlaşanlar tərəfindən mənimsənilib”. (Mənbə: Rossiyskaya Qazeta)

Bizim.Media