Çin kosmosda məlumat mərkəzləri tikəcək.
Sinxua agentliyinin verdiyi məlumata görə, Pekin Elm və Texnologiya Komitəsi Yerdən təxminən 700-800 km yüksəklikdə 16 kosmik məlumat emalı mərkəzi yaratmağı planlaşdırır.
Kosmik komplekslər orbital hesablama platformalarını, rele qovşaqlarını və yerüstü idarəetmə sistemlərini birləşdirərək məlumatların emalı və ötürülməsi üçün paylanmış infrastruktur yaradır.
Obyektlərin tikintisi 2035-ci ilə qədər başa çatacaq. Gələcək məlumat mərkəzləri üçün eksperimental peykin hazırlanması artıq başa çatıb. Onun buraxılışı 2025-ci ilin sonu və ya 2026-cı ilin əvvəlində planlaşdırılır.
Layihənin həyata keçirilməsi üçün Pekin Kosmik Texnologiyalar İnstitutu Astro-future-un rəhbərliyi altında istehsal zəncirinin 24 təşkilatını əhatə edən innovativ konsorsium yaradılıb.
Konsorsium həmçinin kosmik məlumat mərkəzlərinin süni intellekt, mobil rabitə, yeni materiallar və enerji sahəsində həllər texnologiyaları ilə inteqrasiyasından məsul olacaq.
Pekin Elm və Texnologiya Komitəsi layihənin kommersiya kosmonavtikası və süni intellektin birləşdirilməsində strateji bir addım olacağını və yeni texnoloji zəncirlərin formalaşması üçün imkanlar açacağını qeyd etdi.
